[Chorus] Stella splendens in monte ut solis radium Miraculis serrato, exaudi populum. [Verse 1] Concurrunt universi gaudentes populi, Divites et egeni, grandes et parvuli, Ipsum ingrediuntur, ut cernunt oculi, Et inde revertuntur gracis repleti. [Chorus] Stella splendens in monte ut solis radium Miraculis serrato, exaudi populum. [Verse 2] Principes et magnates ex stirpe regia, Saeculi potestates optenta venia Peccaminum proclamant tundentes pectora. Poplite flexo clamant hic : Ave Maria. [Chorus] Stella splendens in monte ut solis radium Miraculis serrato, exaudi populum. [Verse 3] Prelati et barones, comites incliti, Religiosi omnes atque presbyteri, Milites, mercatores, cives, marinari Burgenses, piscatores praemiantur ibi. [Chorus] Stella splendens in monte ut solis radium Miraculis serrato, exaudi populum. [Verse 4] Rustici, aratores, nec non notarii, Advocati, scultores, cuncti ligni fabri, Sartores et sutores, nec non lanifici, Artifices et omnes gratulantur ibi. [Chorus] Stella splendens in monte ut solis radium Miraculis serrato, exaudi populum. [Verse 5] Reginae, comitissae, illustres dominae, Potentes et ancillae, juvenes, parvulae Virgines et antiquae, pariter viduae Conscendunt et hunc montem, et religiosae. [Chorus] Stella splendens in monte ut solis radium Miraculis serrato, exaudi populum. [Verse 6] Coetus hic aggregantur hic ut exhibeant Vota regratiantur ut ipsa et reddant Aulam istam ditantes, hoc cuncti videant, Localibus ornantes, soluti redeant. [Chorus] Stella splendens in monte ut solis radium Miraculis serrato, exaudi populum. [Verse 7] Cuncti ergo precantes sexus utriusque, Mentes nostras mundantes oremus devote Virginem gloriosam, Matrem Clementiae, In Coelis gratiosam sentiamus vere. [Chorus] Stella splendens in monte ut solis radium Miraculis serrato, exaudi populum.
