Madhurashtakam

Madhurashtakam is a Sanskrit poem that praises the beauty, sweetness, and divine nature of Krishna, emphasizing that all manifestations of the divine are sweet and pleasant. The author of Madhurashtakam is Mahaprabhu Srimad Vallabhacharya (1479-1531), the greatest saint, philosopher, and poet of India. *********************************** Madhurashtakam - санскритская поэма, воспевающая красоту, сладость и божественную природу Кришны, подчёркивая, что все проявления божественного - сладки и приятны. Автор Madhurashtakam - Mahaprabhu Srimad Vallabhacharya (1479-1531), величайший святой, философ и поэт Индии. ************************************ मधुराष्टकं अधरं मधुरं वदनं मधुरं नयनं मधुरं हसितं मधुरम् । हृदयं मधुरं गमनं मधुरं मधुराधिपतेरखिलं मधुरम् ॥ 1 ॥ वचनं मधुरं चरितं मधुरं वसनं मधुरं वलितं मधुरम् । चलितं मधुरं भ्रमितं मधुरं मधुराधिपतेरखिलं मधुरम् ॥ 2 ॥ वेणु-र्मधुरो रेणु-र्मधुरः पाणि-र्मधुरः पादौ मधुरौ । नृत्यं मधुरं सख्यं मधुरं मधुराधिपतेरखिलं मधुरम् ॥ 3 ॥ गीतं मधुरं पीतं मधुरं भुक्तं मधुरं सुप्तं मधुरम् । रूपं मधुरं तिलकं मधुरं मधुराधिपतेरखिलं मधुरम् ॥ 4 ॥ करणं मधुरं तरणं मधुरं हरणं मधुरं स्मरणं मधुरम् । वमितं मधुरं शमितं मधुरं मधुराधिपतेरखिलं मधुरम् ॥ 5 ॥ गुञ्जा मधुरा माला मधुरा यमुना मधुरा वीची मधुरा । सलिलं मधुरं कमलं मधुरं मधुराधिपतेरखिलं मधुरम् ॥ 6 ॥ गोपी मधुरा लीला मधुरा युक्तं मधुरं मुक्तं मधुरम् । दृष्टं मधुरं शिष्टं मधुरं मधुराधिपतेरखिलं मधुरम् ॥ 7 ॥ गोपा मधुरा गावो मधुरा यष्टि र्मधुरा सृष्टि र्मधुरा । दलितं मधुरं फलितं मधुरं मधुराधिपतेरखिलं मधुरम् ॥ 8 ॥ ॥ इति श्रीमद्वल्लभाचार्यविरचितं मधुराष्टकं सम्पूर्णम् ॥ *********************************** Madhurashtakam adharaṃ madhuraṃ vadanaṃ madhuraṃ nayanaṃ madhuraṃ hasitaṃ madhuram । hṛdayaṃ madhuraṃ gamanaṃ madhuraṃ madhurādhipatērakhilaṃ madhuram ॥ 1 ॥ vachanaṃ madhuraṃ charitaṃ madhuraṃ vasanaṃ madhuraṃ valitaṃ madhuram । chalitaṃ madhuraṃ bhramitaṃ madhuraṃ madhurādhipatērakhilaṃ madhuram ॥ 2 ॥ vēṇu-rmadhurō rēṇu-rmadhuraḥ pāṇi-rmadhuraḥ pādau madhurau । nṛtyaṃ madhuraṃ sakhyaṃ madhuraṃ madhurādhipatērakhilaṃ madhuram ॥ 3 ॥ gītaṃ madhuraṃ pītaṃ madhuraṃ bhuktaṃ madhuraṃ suptaṃ madhuram । rūpaṃ madhuraṃ tilakaṃ madhuraṃ madhurādhipatērakhilaṃ madhuram ॥ 4 ॥ karaṇaṃ madhuraṃ taraṇaṃ madhuraṃ haraṇaṃ madhuraṃ smaraṇaṃ madhuram । vamitaṃ madhuraṃ śamitaṃ madhuraṃ madhurādhipatērakhilaṃ madhuram ॥ 5 ॥ guñjā madhurā mālā madhurā yamunā madhurā vīchī madhurā । salilaṃ madhuraṃ kamalaṃ madhuraṃ madhurādhipatērakhilaṃ madhuram ॥ 6 ॥ gōpī madhurā līlā madhurā yuktaṃ madhuraṃ muktaṃ madhuram । dṛṣṭaṃ madhuraṃ śiṣṭaṃ madhuraṃ madhurādhipatērakhilaṃ madhuram ॥ 7 ॥ gōpā madhurā gāvō madhurā yaṣṭi rmadhurā sṛṣṭi rmadhurā । dalitaṃ madhuraṃ phalitaṃ madhuraṃ madhurādhipatērakhilaṃ madhuram ॥ 8 ॥ ॥ iti śrīmadvallabhāchāryavirachitaṃ madhurāṣṭakaṃ sampūrṇam ॥